Manuscripts/PeshA
Codex Ambrosianus
Name: Codex Ambrosianus
Call number: MS B. 21 Inf
Location: Milan, Italy
Text: Peshitta
Writing style: Estrangelo
Witnesses to: MT
Date of composition: 6-7th century CE
Place of composition: ?
Published edition: Ceriani, Antonia Maria, ed. Translatio syra pescitto veteris testamenti ex codice ambrosiano sec. fere vi. Milan: Angeli della Croce and J.B. Pogliani, 1876
online availability: Ceriani edition
Text
[folio 67r]
[right column]
ܘܥܢܼܐ ܡܪܝܐܼ ܘܐܡܼܪ
ܠܐܝܘܒܼ ܡܢ ܥܠܥܠܐ܁ ܡܢܼܘ ܗܢܐ
ܕܡܿܬܪܥܐ ܬܪܥܝܬܐ ܟܡ̈ܠܐ
ܕܠܐ ܐܝܕܥܼܬܐ܁ ܐܗܘܪ ܢܐܿ ܐܝܟ
ܓܢܒܪܐ ܚܝ̈ܨܝܟ܁ ܐܿܫܐܠܟܼ ܐܘܕܥܝܢܝ܁
ܐܿܝܟܐ ܗܘܝܬ ܟܕ ܡܬܩܢ
ܗܿܘܝܬ ܝܫ̈ܬܐܿܗܝܗܿ ܕܐܕܥܐ܁
ܚܘܢܝ ܐܢ ܝܕܥܿ ܐܢܬ ܒܘܝܢܐ܁
ܡܢܼܘ ܐܪܡܝ ܡܫܘܚܬܗܿ ܐܢ
ܝܕܿܥ ܐܢܬ܁ ܘܡܼܢܘ ܡܬܼܚ ܥܠܝܗܿ
ܚܘܛܐ܁ ܥܠ ܡܢܐ ܩܡܘ
ܥܒܼܖ̈ܝܗܿ܁ ܐܘ ܡܢܼܘ ܝܫܼܕܐ ܟܐ̈ܦܐ
ܒ̈ܙܘܝܬܗܿ܁ ܒܖܲܐ ܐܟܚܕܐ ܟܵܘܟܒܝ
ܫܦܪܐܼ܁ ܘܟܠܗܘܢ ܒܢ̈ܝ ܡܠܐ̈ܟܐܼ
ܫܒܒܘ܁ ܘܣܓܼܪ ܬܖ̈ܥܝ ܝܡܐ܁ ܘܐܓܝܚ
ܡܢܿ ܡܪܒܥܐܼ ܘܐܦܩ ܟܕ ܣܡ܁
ܥܒܼܪ ܥܚܐ ܠܒܘܫܗܼ ܘܥܪܦܠܐ
ܟܪܟܬܗ܁ ܘܥܒܼܕ ܠܗ ܩܝܼܡܐ܁
ܘܥܒܼܪ ܠܗ ܬܖ̈ܥܐܼ ܘܣܘܟܖ̈ܐ܁
ܘܐܡܼܪܬ ܥܕܡܐ ܠܗܪܟܐ
ܬܡܼܛܐ݃ ܘܠܐ ܬܘܣܦܼ܁ ܘܗܪܟܐ
ܬܟܬܪ ܒܓܐܝܘܬܐ ܕܓܠܠܝܟܼ܁ ܡܢ
ܝܘܡ̈ܝܟ݃ ܦܩܼܕܬ݁ ܠܟܿ ܦܪܐܼ ܝܪܥܼ ܐܢܬ
ܐܿܝܕܐ ܗܝ ܕܘܟܬܗ ܕܫܦܿܪܐ܃
ܠܡܐܚܪ ܒܟܢ̈ܦܝܗܿ ܕܐܪܥܐܼ܁ ܘܢܫܼܬܕܘܢ
ܡܢܗܿ ܖ̈ܫܝܥܐ ܢܬܗܼܦܟ ܐܝܟ
ܛܝܢܐ ܓܘܫܡܗܘܢ܂ ܘܢܩܘܡܘܢܼ
ܐܝܟ ܠܒܘܫܐ܁ ܢܬܼܟܠܐ ܡܢ ܚ̈ܛܝܐ
ܢܘܗܪܗܘܢ܂ ܘܕܪܥܐ ܪܡܐܼ ܢܬܬܒܼܪ܁
ܥܠܬ ܠܥܘܡܩ̈ܘܗܝ ܕܝܡܐܼ܁
ܘܒܫܬܐ̈ܣܘܗܝ ܕܬܗܘܡܐ݃
ܗܠܟܬܼ܁ ܐܬܼܓܠܝܘ ܠܟ ܬܖ̈ܥܐ ܕܡܘܬܐ܃
ܘܬܖ̈ܥܐ ܕ̈ܛܠܠܝ ܡܘܬܐܼ܁ ܀ ܚܼܙܝܬ
[middle column]
ܟܠܗܿ ܦܬܝܗܿ ܕܐܪܥܐܼ܁ ܚܘܙܝ ܐܢ
ܝܕܥܿ ܐܢܬ ܒܐܿܝܕܐ ܐܘܪܚܐ
ܫܼܪܐ ܢܘܗܪܐ܁ ܘܕܘܟܬܗ
ܕܚܫܘܟܐܼ ܐܿܝܕܐ ܗܝ܁ ܐܢ ܝܕܥܿ
ܐܢܬ ܬܚܘܡܗ ܘܫܒܝܠܐܿ
ܕܒܝܬܗ܁ ܘܐܢ ܝܕܥܿ ܐܢܬ ܐܡܬܝ
ܐܬܝܼܠܕܬ܁ ܘܡܢܝܢܐ ܕܝܘܡ̈ܝܟ
ܐܢ ܣܓܝܐ̈ܝܢ܁ ܥܠ̣ܬ ܠܐܘܨܪ̈ܐ
ܕܬܠܔܐ܁ ܘܐܘܨܪ̈ܐ ܕܒܪܕܐ ܚ̣ܙܝܢ
ܠܟ݂܁ ܕܢܛ݁ܝܪܝܢ ܠܙܒܢܐ ܕܐܘܠܝܨܢܐ݂̣܁
ܘܠܝܘܡܐ ܕܬܟܬܘܫܐ ܕܩܪܒܐ܁
ܐܘ ܒܐ̇ܝܕܐ ܐܘܪܚܐ ܡܬ݁ܦܠܓ
ܢܘܗܪܐ̇܁ ܘܢܦܩܐ ܪܘܚܐ ܝܥܠ
ܐܪܥܐ̇܁ ܘܗܘ̇ܐ ܚܙܘܐ ܘܩܒܐ̇܁
ܠܡܚܬܘ ܡܛܪܐ ܝܥܠ ܐܪܥܐ̇܁
ܕܠܐ ܐܢܫ̇܁ ܘܒܡܕܒܪܐ ܕܠܝܬ
ܒܪܢܫ܁ ܠܡܣ̇ܒܥܘ ܟܠ ܝܥܪܐ̇܁
ܘܠܡܘܥܝܘ ܡܦܩܢܐ ܕܬܕܐܐ܁
ܐܝܬ ܐܒܐ ܠܡܛܪܐ̣܁ ܐܘ ܡ̣ܢܘ
ܐܘܠܕ ܢܘܛܦ̈ܬܐ܁ ܘܛܠܐ ܘܓܠܒܕܐ̣
ܡܢ ܟܪܣܐ ܕܡ̇ܢ ܢܦܩ̣ܘ܁ ܘܩܣܕܐ
ܕܫܡܝܐ̣ ܡ̣ܢܘ ܐܘܠܕ܁ ܐܝܟ
ܟܐ̈ܦܝ ܡܬ݁ܩܫܝܢ ܡ̈ܝܐ܁ ܘܐ̈ܦܝ
ܬܗ̈ܘܡܐ̣ ܐܚܕܝܢ܁ ܐܚ̇ܕ ܐܢܬ
ܒܐ̈ܦܝ ܟܝܡܐ̣܁ ܐܘ ܫܒܝܠ ܓܢܒܪܐ
ܚܙ̣ܝܬ܁ ܗܐ ܬܦܩ ܥܓ݁ܠܬܐ
ܒܥܕܢܗ̇܁ ܐܘ ܩܐܡ ܐܢܬ ܒܐ̈ܦܝ
ܥܝ̇ܘܬ݁ܐ܁ ܝܕ݁ܥ ܐܢܬ ܢܡܘܣܐ
ܕܫܡܝܐ̣܁ ܐܘ ܣܐ̇ܡ ܐܢܬ
ܢܡ̇ܘܣܐ ܒܐܪܥܐ܁ ܡ̣ܪܝܡ ܐܢܬ
ܥܠ ܥܚ̈ܐ ܩܠܟ: ܘܡ̇ܟܣܐ ܐܢܬ
ܠܗܝ̇̇ܢ ܒܣܘܓܐܐ ܕܡ̈ܝܐ̣܁ ܡܫܕܪ
ܐܢܬ ܒܪ̈ܩܐ̣ ܘܐܙܠܝܢ: ܘܐܡܪ̈ܝܢ
ܠܟ̇̇ ܕܗܐ ܩܝ̇ܡܝܢ̣ܢ܁ ܡܢܘ ܣܡ
ܚܟܡܬܐ ܒܟܣܝܐ܁ ܐܘ ܡܢ̣ܘ
ܝܗܒ݂ ܚܙܘܐ ܠܒܘܝܢܐ܁
ܡ̣ܢܘ ܡܢ̣ܐ
ܥܚ̈ܐ ܒܚܟܡܬܗ܁ ܘܥܡ̈ܘܕܝ ܫܡܝܐ̣
ܡ̣ܢܘܐܩܝܡ. ܡ̣ܢܘ ܝܣ̣ܟ ܥܦܪܐ
ܥܠ ܐܪܥܐ܁ ܘܫܩܝ̈ܦܐ ܡ̣ܢܘ ܬܩ̇ܢ
ܡ̣ܢܘ ܝܗܒ݂ ܠܐܪܝܐ ܡܐܦܘܠܬܐ̇܁
ܘܢܦܫܐ ܕܐܪ̈ܝܘܬܐ ܣ̇ܒܥ܁ ܡ̣ܢܘ
ܐܣܓ ܚܝܘܬܐ ܒܕܒܪܐ܁ ܘܡ̣ܢܘ
ܝܗܒ݂ ܠܥܘܪܒܐ ܡܐܟܘܠܬܗ܁ ܡܛܠ
ܕܒ̈ܢܘܗܝ̣ ܠܘܬ ܐܠܗܐ ܓܥ̇ܝܢ܁ ܘܥܝܝܦܝܢ
ܡܢ ܒܠܝ ܡܐܟܘܠܬܐ
