Manuscripts/Gr+3

Amplified Greek text with notes of fragments from the Three (Aquila, Symmachus, Theodotian)

The notes attached to this text detail the known fragments from the translations of Aquila, Symmacus, and Theodotian along with citations to modern references works. Those works along with the apparatus to the Göttingen LXX should be consulted for more information about the reading.

Field = Field, Frederick, ed. Origenis Hexaplorum quae supersunt : Veterum interpretum graecorum in totum Vetus Testamentum fragmenta. 2 volumes. Oxford: E Typographeo Clarendoniano, 1875.
Ziegler = Ziegler, Joseph. Beiträge zum griechischen Iob. Mitteilungen des Septuaginta-Unternehmens 18. Göttingen, Vandenhoeck & Ruprecht, 1985.
Meade = Meade, John Daniel. "A Critical Edition of Hexaplaric Fragments of Job 22-42." Ph.D. diss., The Southern Baptist Theological Seminary, 2012.

Text

1 Μετὰ δὲ τὸ παύσασθαι Ἐλιοῦ τῆς λέξεως εἶπεν ὁ κύριος τῷ Ιὼβ διὰ λαίλαπος καὶ νεφῶν
2 τίς οὗτος ὁ κρύπτων με βουλήν συνέχων δὲ ῥήματα ἐν καρδίᾳ ἐμὲ δὲ οἴεται κρύπτειν
3 ζῶσαι ὥσπερ ἀνήρ τὴν ὀσφύν σου ἐρωτήσω δὲ σε σὺ δέ μοι ἀποκρίθητι
4 ποῦ ἦς ἐν τῷ θεμελιοῦν με τὴν γῆν απάγγειλον δέ μοι εἰ ἐπίστῃ σύνεσιν
5 τίς ἔθετο τὰ μέτρα αὐτῆς εἰ οἶδας ἢ τίς ὁ ἐπαγαγὼν σπαρτίον ἐπ' αὐτῆς
6 ἐπὶ τίνος οἱ κρίκοι αὐτῆς πεπήγασι τίς δέ ἐστιν ὁ βαλὼν λίθον γωνιαῖον ἐπ' αὐτῆς
7 ὅτε ἐγενήθησαν ἄστρα ᾔνεσάν με φωνῇ μεγάλῃ πάντες ἄγγελοί μου
8 ἔφραξα δὲ θάλασσαν πύλαις ὅτε ἐμαίμασσεν ἐκ κοιλίας μητρὸς αὐτῆς ἐκπορευομένη
9 ἐθέμην δὲ αὐτῇ νέφος ἀμφίασιν ὁμίχλῃ δὲ αὐτὴν ἐσπαργάνωσα
10 ἐθέμην δὲ αὐτῇ ὅρια περιθεὶς κλεῖθρα καὶ πύλας
11 εἶπα δὲ αὐτῇ μέχρι τούτου ἐλεύσῃ καὶ οὐχ ὑπερβήσῃ άλλ' ἐν σεαυτῇ συντριβήσεται σου τὰ κύματα
12 ἦ ἐπὶ σοῦ συντέταχα φέγγος πρωινόν ἑωσφόρος δὲ εἶδεν τὴν ἑαυτοῦ τάξιν
13 ἐπιλαβέσθαι πτερύγων γῆς ἐκτινάξαι ἀσεβεῖς ἐξ αὐτῆς
14 ἦ σὺ λαβὼν γῆν πηλὸν ἔπλασας ζῷον καὶ λαλητὸν αὐτὸν ἔθου ἐπὶ γῆς
15 ἀφεῖλας δὲ άπὸ ἀσεβῶν τὸ φῶς βραχίονα δὲ ὑπερηφάνων συνέτριψας
16 ἦλθες δὲ ἐπὶ πηγὴν θαλάσσης ἐν δὲ ἴχνεσιν ἀβύσσου περιεπάτησας
17 ἀνοίγονται δὲ σοι φόβῳ πύλαι θανάτου πυλωροὶ δὲ ᾅδου ἰδόντες σε ἔπτηξαν
18 νενουθέτησαι δὲ τὸ εὖρος τῆς ὑπ' οὐρανόν ἀναγγειλον δή μοι πόση τίς ἐστιν
19 ποίᾳ δὲ γῇ αὐλίζεται τὸ φῶς σκότους δὲ ποῖος ὁ τ́οπος
20 εἰ ἀγάγοις με εἰς ὅρια αὐτῳν εἰ δὲ καὶ ἐπίστασαι τρίβους αὐτῶν
21 οἶδα ἄρα ὅτι τοτε γεγέννησαι ἀριθμὸς δὲ ἐτῶν σου πολύς