Manuscripts/MTH591

MS Huntington 591 (MT^H591)

Name: MS Huntington 591 (= Kennicott 31)
Location: Bodleian Library, Oxford, England
Catalog number: MS Huntington 591
Text:MT
Writing style: Square script
Date of composition: 11th century CE
Place of composition:
Online availability: images

Text

[folio 126r]
וַיַּֽעַן יְהוָ֣ה אֶת־אִ֭יּוֹב מִ֥נ׀הַסְּעָרָ֗ה וַיֹּאמַר׃
מִ֤י זֶ֙ה׀מַחְשִׁ֖יךְֿ עֵצָ֥ה בְֿמִלִ֗ין בְּֽלִי־דָֽֿעַת׃ אֱזָר־נָ֣א כְֿגֶ֣נֶר
חֲלָצֶ֑יךָ וְ֝אֶשְׁאָלְךָ֗֯ וְהוֹדִֿיעֵֽנִי׃ אֵיפֹֿ֣ה הָ֭יִיתָ בְּיָסְדִי־
אָ֑רֶץ הַ֝גֵּד אִם־יָדַ֥עְתָּ בִֿינָה׃ מִי־שָׂ֣ם מְ֭מַדֶּיהָ כִּ֣י
תֵדָ֑ע א֤וֹ מִי נָטָֽה עָלֶ֣יהָ קָו׃ עַל־מָ֭ה אֲדָנֶ֣יהָ הָטְבָּ֑עוּ
א֥וֹ מִי־יָ֝רָ֗ה אֶ֣בֶן פִנָתָהּ׃ בְּרָן־יַ֭חַד כּוֹכְֿבֵי בֹֿ֑קֶר
וַ֝יָּרִ֗יעוּ כָּל־בְּנֵֽי אֳלֹהִים׃ וַיָּ֣סֶךְ֯ בִּדְלָתַ֣יִם יָ֑ם בְּ֝גִיח֗וֹ
מֵרֶֽחֶם יֵצֵא׃ בְּשׂוּמִי עָנָ֣ן לְבֻֿשׁ֑וֹ וַעֲרָפֶל חֲתֻלָתוֹ׃ וָאֶשְׁבֹּ֣ר
עָלָ֣יו חֻקִ֑י וָ֜אָשִׂים בְּרִ֣יַח ודְֿלָתָֽיִם׃ וָאֹמַ֗ר עַד פֹּ֣ה
תָֿ֭בוא וְלֹ֣א תֹֿסִ֑יף וּפֹֿא֯־יָ֝שִׁ֗ית בִּגְא֥וֹן גַלֶּֽיךָ׃ הְַֽ֭מִיָמֶיךָֿ
צִיּ֣יתָ בֹ֑קֶר יִדַּֽעְתָּהַ שַּׁ֣חַר מְקֹמוֹ׃ לֶ֭אֱחֹז בְּכַנְפ֣וֹת
הָאָ֑רֶץ וְיִנָּעֲר֖וּ רְשָׁ^עִ֣ים מִמֶֽנָּה׃ תִּ֭תְהַפֵךְ כְּח֣מֶר חוֹתָ֑ם
וְ֝יִֽתְיַצְב֗וּ כְּמ֣וֹ לְבֿוּשׁ׃ וְיִמָּנַ֣ע מֵרְשָׁ^עִ֣ים אוֹרָ֑ם
וּזְר֥וֹעַ רָ֝מָה תִּשָּׁבֵר׃ הְ֭בָאתָ עַד נִבְכֵי־יָ֑ם וּבְחֵֽקֶר
תְּ֝הוֹם הִתְהַלָכְתָּ׃ הֲנִגְל֣וּ לְ֭ךָ שַׁעֲרֵי־מָ֑וֶת וְשַׁעֲרֵ֖יצַלְמָ֣וֶת

[folio 126v]
תִּרְאֶה׃ הִ֭תְ֯בֹּנַנְתָּ עַד רַחֲבֵי אָ֑רֶץ הַ֝גֵּ֗ד אִם יָדַֿ֥עְתָ כֻֿלָּה׃
אֵי זֶ֣ה הַ֭דֶּרֶךְ יִשְׁכָּן־א֑וֹר וְ֝חֹשֶׁךְ אֵי זֶ֥ה מְקֹמוֹ׃ כִּ֣י
תִֿקָחֶנוּ אֶל־גְבוּל֑וֹ וְכִי־תָֿ֜בִ֗ין נְתִיב֥וֹת בֵּיתוֹ׃ יָ֭דַעְתָּ כִי
אָ֣ז תִּוָלֵ֑ד ומִסְפַ֖֯ר יָמֶ֣יךָ רַבִים׃ הֲ֭בָאתָ אֶל־אֹצְר֣וֹת שָׁ֑לֶג
וְאֹצְר֖וֹת בָּרָ֣ד תִּרְאֶה׃ אֲשֶׁר־חָשַׂ֥כְֿתִּי לְעֶת־צָ֑ר
לְי֥וֹם קְ֜רָ֗ב וּמִלְחָמָה׃ אֵי זֶ֣ה הַדֶּרֶךְ יֵחָ֣לֶק א֑וֹר
יָפֵ֖ץ קָדִ֣ים עֲלֵי אָֽרֶץ׃ מִֽי־פִלַּ֣ג לַשֶׁ֣טֶף תְּעָלָ֑ה וְ֝דֶ֗רֶךְֿ
לַחֲזִ֥יז קֹלוֹת׃ לְ֭הַמְטִיר עַך־אֶ֣רֶץ לֹא־אִ֑ישׁ
מִ֝דְבָּ֗ר לֹא־אָדָ֥ם בּוֹ׃ לְהַשְׂבִּ֣יעַ שֹׁ֖אָה וּמִשֹׁאָ֑ה
וּ֝לְהַצְמִ֗יחַ מֹ֣צָא דֶֽֿשֶׁא׃ הֲיֵשׁ־לַמָטָ֥ר אָ֑ב א֥וֹ מִי־ה֝וֹלִ֗יד
אֶ֯גְלֵי טָל׃ מִבֶּ֣טֶן מִי יָצָ֣א הַקָ֑רַח וּכְֿפ֥ר שָׁ֝מַיִם
מֵ֣י יְלָדֿוֹ׃ כָּ֭אֶבֶן מַ֑יִם יִתְחַבָּ֑אוּ ופְֿנֵ֥י תְֿ֝ה֗וֹם יִתְלַכָּֽדוּ
הַֽ֭תְקַשֵׁר מַעֲדַנּ֣וֹתֿ כִּימָ֑ה או־מֹשְׁכ֭ות כְסִ֣יל תְּפַתֵּֽחַ׃
הֲתֹצִ֣יא מַזָּר֣וֹת בְּעִת֑וֹ וְ֜עַ֗יִשׁ עַל־בָנֶ֥יהַ תַֿנְחֵם׃
הֲ֭יָדַעְתָּ חֻק֣וֹת שָׁמָ֑יִם אִם־תָּשִׂ֖ים מִשְׁטָר֣וֹ בָֿאָֽרֶץ׃
הֲתָרִ֣ים לָעָ֣ב קוֹלֶ֑ךָ וְֽשִׁפְעַת־מַ֥יִם תְּכַסֶּֽךָּ׃ הַֽתְֽשַׁלַּ֣ח
בְּרָקִים וְיֵלֵ֑כוּ וְיֹאמְר֖וּ לְךָ֣ הִנֵֽנוּ׃ מִי־שָׁת בַּטֻ֯ח֣וֹת
חָכְמָ֑ה א֤וֹ מִי־נָתַ֖ן לַשֶׂ֣כְוִי בִֿינָה׃ מִֽי־יְסַפֵּ֣ר שְׁחָקִ֣ים
בְּחָכְמָ֑ה וְנִבְלֵ֥י שָׁמַיִם מִ֣י יַשְׁכִּיב׃ בְּצֶ֣קֶת עָ֭פָר לַמוּצָ֑ק
וּרְגָבִ֥ים יְדֻבָּקוּ׃ הֲתָצ֣וּדֿ לְלָבִ֣יא טָ֑רֶף וְחַיַּ֖ת
כְּפִירִ֣ים תְּמַלֵּא׃ כִּי־יָשֹׁ֥חוּ בַֿמְעוֹנ֑וֹת יֵשְׁב֖וּ בַֿסֻכָּ֣ה
לְמוֹ־אָֽרֶב׃ מִ֤י יָכִֿ֥ין לָעֹרֵ֗ב צֵידֿ֥וֹ כִּֽי־יְ֭לָדָו אֶל־אֵ֣ל
יְשַׁוֵּ֑עוּ יִ֝תְע֗וּ לִבְלִי אֹֽכֶל׃הֲיָדַ֗עְתָּ עֵ֭ת לֶ֣דֶֿת יַעֲלֵי־סָלַ֑ע
חֿלֵ֖ל אַיָל֣וֹת תִּשְׁמֹר׃ תִסְפֹ֣ר יְרָחִ֣ים תְּמַלֶּ֑אנָה וְ֝יָדַ֗עְתָ עֵ֣ת

[folio 127r]
לִדָֿתָּנָה׃ תִּ֭כְֿרַעְנָה יַלְדֵֿיהֶ֣ן תְּפַלַּ֑חְנָה חֶבְלֵיהֶ֥ם תְּשַׁלָּחְנָה׃
יַחְלְמ֣וּ בְֿ֭נֵהֶם יִרְבּ֣וּ בַֿבָּ֑ר יָ֝צְאוּ וְלֹא־שָׁ֥֯בוּ לָֽמוֹ׃ מיּ
שִלַּ֣ח פֶ֣רֶא֯ חָפְשִׁ֑י וּמֹסְר֥וֹת עָ֝ר֗וֹד מִי פִֿתֵּֽח׃ אֲשֶׁר־
שַׂ֣מְתִי עֲרָבָ֣ה בֵֿית֑וֹ וּמִ֯שְׁכְּנוֹתָ֥יו מְלֵחָה׃ יִשְׂ֯חק לַהֲמ֣וֹן
קִרְיָ֑ה תְּשֻׁאוֹת נֹ֝גֵ֗שׁ לֹ֣א יִשְׁמָע׃ וְת֣וּר הָרִ֣ים
מִרְעֵ֑הו וְאַחַ֖ר כָּל־יָר֣וֹק יִדְֿרוֹשׁ׃ הֲיֹ֣אבֶה רֵּ֣ים עָבְדֵֿ֑ךָ
אִם־יָ֝לִין עַל אֲבוּסֶֽךָ׃ הֲ‍ֽתִקְשָׁר־רֵ֭ים בְּתֶ֣לֶם עֲבֹת֑וֹ אִם־
יְשַׂדֵּ֖ד עֲמָקִים אַחֲרֶֽיךָ׃ הֲ‍ֽתִבְטַח־בּ֭וֹ כִי־רַ֣ב כֹּח֑ו
וְתַֿעֲז֖ב אֵלָ֣יו יְגִיעֶֽךָ׃ הֲתַאֲמִ֣ין בּ֭וֹ ^כי יָשִׁ֣ובֿ זַרְעֶ֑ךָֿ
וְֽגָרְנְךָ֥ יֶאֱסֹף׃ כְנַף רְנָנִ֥ים נֶעֱלָ֑סָה אִם־אֶ֝בְרָ֗ה חַסִידָֿ֥ה
וְנֹצָהֿ׃ כִּי־תַֿעֲזֹ֣ב לָאָ֣רֶץ בֵּצֶ֑יהָ וְֽעַל־עָפָ֥ר תְּחַמֵּם׃
וְתִּשְׁכַּח כִּי־רֶ֣גֶל תְּזוּרֶ֑הָ וְחַיַּת הַשָׂדֶ֣ה תְֿדוּשֶֽׁהָ׃ הִקְ֯שִׁ֣יחַ
בֲּנֶ֣יהָ לְּלֹא־לָ֑הּ לְרִ֖יק יְגִיעָ֣הּ בְּלִי־פָֽֿחַד׃ כִּי־הִשָּׁ֣ה
אֶל֣וֹהַ חָכְמָ֑ה וְלֹא־חָ֥לַק לָ֝הּ בַּבִּינָה׃ כָּ֭עֵת בַּמָר֣ום
תַּמְרִ֑יא תִּשְׂחַ֥ק לַ֝סּ֗וּס וּלְרֹכְֿבוֹ׃
הֲתִֿתֵ֣ן֯ לַסּ֣וּס גְּבוּרָ֑ה הֲתַלְבִ֖ישׁ צַוָּאר֣וֹ רַעְמָה׃ הְֽ֭תַרְעִישֶׁנּוּ
כָּאַרְבֶּ֑ה ה֖וֹד נַחְר֣וֹ אֵימָה׃ יַחְפְר֣וּ בָֿ֭עֵמֶק וְיָשִׂ֣ישׂ
בְּכחַ יֵ֝צֵ֗א לִקְרַאת־נָֽשֶׁק׃ יִשְׁחַ֣ק לְ֭פַחַד וְלֹ֣א יֵחָ֑ת
וְלֹא־יָשׁוב מִפְנֵי־חָֽרֶב׃ עָ֭לָיו תִרְנֶ֣ה אָשְׁפָ֑֯ה יַ֖הַב חֲנִ֣ית וְכִידֿוֹן׃
בְרַ֣עַשׁ וְ֭רֹגֶז יְגַמֶּא־אָ֑רֶץ וְלֹא־יַ֜אֲמִ֗ין כִּי־ק֥וֹל שׁוֹפָר׃
בְּדֵ֤י שׁפָ֨ר׀י֘אמַ֤ר חֶאָ֗ה וּֽ֭מֵרָחוֹק יָרִ֣יַח מִלְחָמָ֑ה
רַ֥עַם שָׂ֝רִ֗ים וּתְרוּעָה׃ הְֽ֭מִבִּינָ֣תְךָ יַאֲבֶר נֶ֑ץ יִפְרֹ֖שׂ
כְּנָפָ֣ו לְתֵֿימָן׃ אִם־עַל־פִּ֭יךָ יַגְבִּ֣יהַ נָ֑שֶׁר וְ֝כ֗י יָרִ֥ים
קִנּוֹ׃ סֶ֣לַע יִ֭שְׁכֹּן וְיִתְלֹנָ֑ן עַ֥ל שֶׁן סֶ֝לַע ומצוּדָה׃ מִשָׁ֥ם

[folio 127v]
חָֽפַר־אֹ֑כֶל לְ֝מֵרָח֗וֹק עֵינָ֥יו יַבִּֽיטוּ׃ וְאֶפְרֹחָ֥ו יְעַלְעוּ־דָֿ֑ם
ובַאֲשֶׁ֥ר חָ֝לָלִ֗ים שָׁ֣ם הוּא׃