Manuscripts/MTKenn

Vetus Testamentum Hebraicum (Kennicott, 1776)

Name: Vetus Testamentem Hebraricum
Text: Consonontal text of MT
Writing style: Square script
Date of Publication: 1776
Published edition:
online availability: images

Text

1 ויען יהוה את איוב מנ הסערה ויאמר׃
2 מי זה מחשיך עצה במלין דעת׃
3 אזר נא כגבר חלצעך ואשאלך והודיעני׃
4 איפה היית ביסדי ארץ הגד אם ידעת בינה׃
5 מי שם ממדיה כי תדע או מי נטה עלה קו׃
6 על מה אדניה הטבעו או מי ירה אבן פנתה׃
7 ברן יחד כוכבי בקר ויריעו כל בני אלהים׃
8 ויסך בדלתים ים בגיחו מרחם יצא׃
9 בשומי ענן לבשו וערפל חתלתו׃
10 [*]ואשבר עליו חקי ואשים בריח ודלתים׃
11 ואמר עד פה תבוא ולא תסיף ופא ישית בגאון גליך׃
12 המימיך צוית בקר ידעתה שחר מקומו׃
13 לאחוז בכנפות הארץ וינערו רשעים ממנה׃
14 [*]תתהפך כחמר חותם ויתיצבו כמו לבוש׃
15 [*]וימנע מרשעים ארום וזרוע רמה תשבר׃
16 הבאת עד נבכי ים ובחקר תהום התהלכת׃
17 הנגלו לך שערי מות ושערי צלמות תראה׃
18 התבננת עד רחבי ארץ הגד אם ידעת כלה׃
19 אי זה הדרך ישכן אור וחשך אי זה מקומו׃
20 כי תקחנו אל גבולו וכי תבין נתיבות ביתו׃
21 ידעת כי אז תולד ומספר ימיך רבים׃