Manuscripts/TargV

Codex 1 of Biblioteca Apostolica Urbinas

Name: Codex 1 of Biblioteca Apostolica Urbinas = Kennicot 228)
Location: Biblioteca Apostolica Vaticana, Vatican City
Catalog number: Codex Urb. Ebr. 1
Text: MT with Targum after each verse
Writing type: Ashkenazic square script
Date of composition: 1294
Place of composition: Germany
Published editions:
Online availability: images

Text

[folio 771r]
יְאָתֵֿיבֿ יְיָ יַתֿ־אִיּוֹבֿ מִן עַלְעוֹלָא וַאֲמָֽר׃
מָן דֵּין דְּמַחֲשִׁיךְֿ מִלְכְּתָֿא מִן בְּמִלַּיָּא מִדְּלֵיתֿ מַנְדְּעָא׃
זָרַז כְּעַז הֵיךְֿ גַּבְֿרָא חַרְצַיִיךְֿ וְאֶבְֿעִנָּךְֿ וּתְֿחוֹדְֿעִנָֽנִי׃
חָאן הֲוֵיתָֿא בִּמְשְׁתֳּתֵֿי אַרְעָא חַוֵּי אִין יְדַֿעֲתָּא בִּיוּנְתֵּֽא׃
מָן שַׁוִּי מְשַׁחְתָּהֲא
[folio 771v]
[right column]
אֲרוּם תֵּדַֿע אוֹ מָן מָתַֿח עֲלָה מְתַֿקְולָֽתא׃
עַל מַה סוֹמְכֵֿיאָה אַטְמָעוּ אוֹ מָן שְׁדָּא אֶבֶֿן זִיוִיָתָֿאָֽה׃
בִּזְמָן דִּמְשַׁבְּחִין כַּחֲדָֿא כּוֹכְֿבֵֿי צַפְֿרָא וּמְיַבְּבִֿין כָּל כַתֵּי מַלְאָכַֿיָּֽא׃
וּטְלַל וּסְגַֿר כִּדֿ דָּשַׁיָּא יַמָּא בְּמִגְֿמֵיה מִן תְּהוֹמָא מִמִין רַחֲמָא יִפּֽוֹק׃
בְּשַׁוָּואוּתִי עֲנָנָא כְֿסוּתֵיה וְאַמְטָתָֿא לְיפֽֿוּפֵֿיה׃
וּפְֿסָקִיתֿ עֲלוֹהִי גְזֵירָתִֿי וְשַׁוֵּיתִֿי פְּרִירַיָא הֵיךְֿ נַגְֿרִין וְדָֿשִׁין׃^לׄאׄ עַבְּרִין׃
וַאֲמָרִיתֿ עֲדֿ כָּה תֵיתֵֿי וְלָא תֿוֹסֵיף וְכָֿה יִתְֿיַיבִּשׁ בִּגֵֿוְתָֿנוּתָֿא גַּלְלָֽיךְ׃
[middle column]
הֲמִן יוֹמָדְֿ פַּקֵידְֿתֲּא לְמֵהֲוֵי צְפַֿר ידַֿעְתָּא לִקְרִיצְתָּא אַתְֿרֵֽיה׃
לְמֵיחָז בְּסִטְרֵי אַרְעָא דְּיִשׂרָﭏֵ וִיטַלְטֵלוּן חַיָּיבַֿיָּא מִנָּֽהִ ^לׄאׄ לְמֵיחָדֿ בְּגַֿדְֿפֵֿי אַרְעָא ואט וְאִטַלְטָלוּ דָֿרַיָּא רָשִׁיעַיָּא מִנָֽהִ׃
מִתְֿהַפְכָֿא הֵיךְֿ טִינָא חוֹתָֿמִין דִּלְהוֹן וְאִתְֿעַתָּדֿוּ כְּמוֹ זָהיֽים׃ ^לׄאׄ אִתְהַפְּכַֿת הֵיךְֿ טִינָא חוֹתָֿמָא דִּךְהוֹן וְלָא אִתְֿבְּרִיאוּ דָּמוּ גֿוּשְׁמֵיהוֹן בְלָא נִשְׁמַתְֿהוֹן הֵיךְ כְּסוּ סָרִֽיק׃
וְאִתְֿכַּסִּי מִן רָשִׁיעַיָּא נֵהוֹר נִשְׁמַתְֿחוֹן וְאֶדְֿרָע מְרָמָא תִּתְֿבָּֽר׃ ^לׄאׄ וְאִתְֿכַּסִּי מִן חַיָיבַיָּא נְהוֹרֵיהוֹן דְּצַדִּיקֵי וְאֶדְרַע דְּגֵֿיוְתָֿנַיָּא אִתְֿבְּרָֽתֿ׃
הַאֵיפֽֿשָׁר דְעָלִתָֿיא עַדֿ מְעַרְבְּלֵי סְגֿוֹר
[left column]
יַמָּא וּבְֿכִשְׁפּוּשׁ תְּהוֹמָא הֲלִכָֿתָא׃
הַאֵיפְֿשַׁר דְאִתְֿגַּלְיָין לָךְֿ מַעֲלָנֵי מוֹתָֿא דְּגֵֿיהִנָם תֶּחֱמֵֽי׃
אִתְֿבִּיוֹנְתָּא עַדֿ פַּתְֿוֵוי אַרְעָא דִּגְֿנִיתָֿא דְּעֵדֶֿן חַוִּי אִין יְדַֿעְתָּא כֻּלָּֽה׃
הֵידַֿיִן אֳורְחֲא יִשְׁרֵי נְהוֹרָא וַחֲשׁוֹכָֿא הֵיַדִין אַתְֿרִֽיה׃
אֲרוּם תִּדְֿבְּרִנֵּיה לִתְֿחוּמֵיה אֲרוּם תִּתְֿהַיָין שְׁבִֿיֵלִי בֵֿיתֵֽֿיה׃
יְדַֿעְתָּא אֲרוּם הָא כְּמָאן תִּתְֿבְּרֵי וּמִנְיָין יוֹמַיךְֿ סַגִּיעִֽין׃
אֵיפְֿשַׁר דְּעָלִתָֿא לְקוֹרְטוּרֵי תַֿלְגֲֿא וְאָפּוֹתִֿיקֵי בַרְדָא תֶּחֱמֵֽי׃
[folio 772r]
[right column]
דִיגְֿזָנִיתֿ תַּלְגָֿא לְעִדָּונָא עַקְתָֿא בְּגֵֿיחִנָם וּבַֿרְדָֿא לְיוֹם קְרָבָֿא דְּפַֿרְעֹה וְאָגָֿוּחוּתָֿא דְּמִצְרָאֵֽי׃
הֵיַדִֿין אֳורְחָא מִתְֿקַבַּל מִתְֿפְּלִיגֿ נְהוֹרָא יְבַדַּר רוּחַ קִדּוּמָה עַל אַרְעָֽא׃
מֲן טָאִיתֿ לְשִׁטְפֲֿא ^לׄאׄ מָן פַּלִּיג לְשִׁטְפָֿא דִּתְֿהוֹצָא חֲרִיצֵי מַיָא וּקְצַתְֿהוֹן דְּלָא לְעֵילָא וְאֳורְחָא לַעֲנָנֵי דִּמְחָתִֿין מִתָּמָן מַיָּא בְּקָלָיָֽא׃ ^לׄאׄ מָן עֲבַר שְׁזוֹפֵי שִׁטְפֲֿא לְמַרְזְבֲֿא דְּיַמָּא ולעיל וּלְעֵילָא אֳורְחָא דַּעֲנָנָא דְּמָחִיתֿ מִטְרָא בְּקָלִֽין׃
לְאָחָתָֿא מִטְאָא עִלַּוֵּי אַרְעָא דְּלֵיתֿ בָּהִ גְּבַֿר וּמַדְֿבִּרָ דְּלָא בַּר־נָשׁ בֵּֽיה׃
לְמִשְבַּע רוּגְֿשָׁא וְאִתְֿרְגֿוֹשְׁתָּא
[middle column]
וּלְמַרְבַּיָּא מַנְפַקוּתֿ דִּתָֿאָֽה׃
הַאִיתֿ לְמִטְרָא אַבָּא אוֹ־מָן אוֹלִידֿ רְסִיסֵי טַלָּֽא׃
מִן כְּרֵיסָא דְּמָאן נְפַֿק קרְחָא וּגְֿלִידָֿא דִּשְׁמַיָּא מָן יְלִידֿ יָתֵֽֿיה׃
הֵיךְֿ מַיָּא קְרִישָׁן ומטר וּמִטַמְרָן וְאַפֵּי ת תְֿהוֹמָא מִן קוֹרָא מִתְֿאַחֲדִֽֿין׃
הַאֵיפְֿשַׁר דִּתְֿקַשֵׁר^לׄאׄ דְּתִֿקְטֹר שִׁירֵי כִֿמְתָֿא אוֹ אַשְׁלֵי דְּנַגְֿדָין נִפְֿלֲא תְּשָׁרֵי׃
הֲתַֿפֵּיק שִטְרֵי מַזֲּלַיָּא בְּזִמְנֵיה וְזַגְֿתֲא עַל אֶפְֿרָחָהָא וְעַיִשׁ עַל בְּנָהָא תְּדַֿבְּרִנּֽוּן׃
אֵיפְֿשַׁר דִּידַֿעְתָּא גְּזֵירָתָֿא דִּשְׁמֲיָּא אִין תְּשַׁוִּי סִטְרָא דְּגַֿלְגִּלֵיה עַל־
[left column]
אַרְעָֽא׃
אֵיפְֿשַׁר דְּתָֿרִים לְעֵיבָֿא קָלָךְֿ וְרִיכְֿפַתֿ מַיָּא תַּחְפִֿנָּֽךְֿ׃
אֵיפְֿשַׁר דִּתְֿשַׁדַּר בְּרֵקִין וִיהָכֿוּן וְיֵימְרוּן לָךְ הַאֲנָֽן׃
מָן שַׁוִּי בְּכֳֿוּלְיָין חֳכְֿמְתָֿא אוֹ מָן יְהַבֿ לְלִבָּא בְּיוּנְתָּֽא׃^לׄאׄ מָן שַׁוִּי בְּכְוָּלְיָיתָֿא חֳכְֿמְתָֿא אוֹ מֲן יְחַבֿ לְתַֿרְנְגֿוֹל בָּרַא בִּיוּנְתָּא לְמִקַלְסָא לְמָרֵֽיה׃
מָן יִמְנֵי כּוֹכְבֵֿי שְׁמַיָא בְּחֳכְֿמְתָֿא וַעֲנֵנִי דִּמְתִֿילִין לְזִיקַיָּא דִּשְׁמַיָּא מָן יָשְׁכִּֽיהֿ׃ ^לׄאׄ מָן יִמְנֵי שַׁבְֿעָתֵֿי שְׁמַיָּא בְּחֳכְֿמְתָא וְכִֿילְוַותֿ שְמַיָּא מָן אַשְׁרֵֽי׃
כַּדֿ אִשְׁתֲּאַס עַפְֿרֲא לשְׁתִֿאָסָא ובגרג וּבְֿגַרְגִּשְׁתָּא אִדְּבָּקֽו׃
[folio 772v]
[right column]

אֵיפְשַׁר דִּתְֿצוּדֿ לְלֵיתָֿא מְזוֹנָא וּפַֿרְנְסָתָֿא דְּאַרְיַוָתָֿא תְּסַפֵּֽק׃
אֲרוּם שַׁחֲיָין במ בִּמְדֿוֹרָתָֿא יֵתְבֿוּן בְּמֲטְלַלְתָּא מָטוֹל לִכְמָנָֽא׃
מָן יְתַֿקֵּין לָעוּרְבָֿא מְזוֹנֵיה אֲרוּם בְּנוֹלִי לְוַתֿ ﭏֱלָהָ יִכְֿעוּן תַּעְיָין מִדְּלֵיתֿ מֵיכְֿלָֽא׃