Manuscripts/MTKenn

Vetus Testamentum Hebraicum with additional notes from Variae lectiones Veteris Testamenti

Name: Vetus Testamentem Hebraricum
Text: Consonontal text of MT
Writing style: Square script
Date of Publication: 1776
Published edition: Kennicott, Benjamin. Vetus Testamentum Hebraicum: cum variis lectionibus. 2 volumes. Oxford: E. typographeo Clarendoniano, 1776.
De Rossi, Giovanni Bernard. Variae lectiones Veteris Testamenti: ex immensa mss. editorumq. codicum congerie haustae et ad samar. textum, ad vetustiss. versiones, ad accuratiores sacrae criticae fontes ac leges examinatae. 4 volumes. Parma: Ex Regio typographeo, 1784.
online availability: Kennicott images

Text

[p. 517]
CAP. XXXVIII.
1 ויען יהוה את איוב מנ הסערה ויאמר׃
2 מי זה מחשיך עצה במלין דעת׃
3 אזר נא כגבר חלצעך ואשאלך והודיעני׃
4 איפה היית ביסדי ארץ הגד אם ידעת בינה׃
5 מי שם ממדיה כי תדע או מי נטה עלה קו׃

[p. 518]
6 על מה אדניה הטבעו או מי ירה אבן פנתה׃
7 ברן יחד כוכבי בקר ויריעו כל בני אלהים׃
8 ויסך בדלתים ים בגיחו מרחם יצא׃
9 בשומי ענן לבשו וערפל חתלתו׃
10 [*]ואשבר עליו חקי ואשים בריח ודלתים׃
11 ואמר עד פה תבוא ולא תסיף ופא ישית בגאון גליך׃
12 המימיך צוית בקר ידעתה שחר מקומו׃
13 לאחוז בכנפות הארץ וינערו רשעים ממנה׃
14 [*]תתהפך כחמר חותם ויתיצבו כמו לבוש׃
15 [*]וימנע מרשעים ארום וזרוע רמה תשבר׃
16 הבאת עד נבכי ים ובחקר תהום התהלכת׃
17 הנגלו לך שערי מות ושערי צלמות תראה׃
18 התבננת עד רחבי ארץ הגד אם ידעת כלה׃
19 אי זה הדרך ישכן אור וחשך אי זה מקומו׃
20 כי תקחנו אל גבולו וכי תבין נתיבות ביתו׃
21 ידעת כי אז תולד ומספר ימיך רבים׃
22 הבאת אל אצרות שלג ואוצרות ברד תראה׃
23 אשר חשכתי לעת צר ליום קרב ומלחמה׃
24 אי זה הדרך יחדק אור יפץ קדים עלי ארץ׃
25 מי פלג לשטף תעלה ודרך לחזיז קלות׃
26 להמטיר על ארץ לא איש מדבר לא אדם בו׃
27 להשביע שאה ומשואה ולהצמיח מצא דשא׃

[page 519]
28 היש למטר אב או מי הוליד אגלי טל׃
29 מבטן מי יצא הקרח וכפר שמים מי ילדו׃
30 כאבן מים יתחבאו ופני תהום יתלכדו׃
31 התקשר מעדנות כימה או מושכות כסיל תפתח׃
32 התציא מזרות בעתו ועיש על בניה תנחם׃
33 הידעת חקות שמים אם תשים משטרו בארץ׃
34 התרים לעב קולך ושפעת מים תכסך׃
35 התשלח ברקים וילכו ויאמרו לך הננו׃
36 מי שת בטחות חכמת או מי נתן לשכוי בינה׃
37 מי יספר שחקים בחכמה ונבלי שמים מי ישכיב׃
38 בצקת עפר למוצף ורגבים ידבקו׃
39 התצוד ללביא טרף וחית כפירים תמלא׃
40 כי ישחו במעונות ישבו בסכה למו ארב׃
41 מי יכין לערב צידו כי ילדו אל אל ישועו - יתעו לבלי אכל׃

CAP. XXXIX.
1 הידעת עת לדת יעלי סלע חלל אילות תשמר׃
2 תספור ירחים תמלאנה וידעת עת לדתנה׃
3 תכרענה ילדיהן תפלחנה חבליהם תשלחנה׃
4 יחלמו בניהם ירבו בבר יצאו ולא שבו למו׃
5 מי שלח פרא חפשי ומסרות ערוד מי פתח׃
6 אשר שמתי ערבה ביתו ומשכנותיו מלחה׃
7 ישחק להמון קריה תשאות נוגש לא ישמע׃

[page 520]
8 יתור הרים מרעהו ואחר כל ירוק ידרוש׃
9 היאבה רים עבדך אם ילין על אבוסך׃
10 התקשר רים בתלם עבתו אם ישדד עמקים אחריך׃
11 התבטח בו כי רב כחו ותעזב אליו יגיעך׃
12 [*]התאמין בו כי ישוב זרעך וגרנך יאסף׃
13 כנף רננים נעלסה אם אברה חסידה ונצה׃
14 כי תעזב לארץ ביציה ועל עפר תחמם׃
15 ותשכח כי רגל תזורה וחית השדה תדושה׃
16 הקשיח בניה ללא לה לריק יגיעה בלי פחד׃
17 כי השה אלוה חכמה ולא חלק לה בבינה׃
18 כעת במרום תמריא תשחק לסוס ולרכבו׃
19 התתן לסוס גבורה התלביש צוארו רעמה׃
20 התרעישנו כארבה הוד נחרו אימה׃
21 יחפרו בעמק וישיש בכח יצא לקראת נשק׃
22 ישחק לפחד ולא יחת ולא ישוב מפני חרב׃
23 עליו תרנה אשפה להב חנית וכידות׃
24 ברעש ורגז יגמא ארץ ולא יאמין כי קול שופר׃
25 בדי שפר יאמר האח ומרחוק יריח מלחמה - - רעם שרים ותרועה׃
26 המבינתך יאבר נץ יפרש כנפו לתימן׃

[page 521]
27 אם על פיך יגביה נשר וכי ירים קמו׃
28 סלע ישכן ויתלנן על שן סלע ומצודה׃
29 משם חפר אכל למרקוק עינין יביטו׃
30 ואפרחו יעלעו דם ובאשר חללים שם הוא׃