Manuscripts/MTMisc
Miscellany
Name: The Northern French Miscellany/The British Museum Miscellany
Location: British Library
Catalog number: Add MS 11639
Text:MT
Writing style: Ẓarphatic/Ashkenazic mashait
Date of composition: late 13th/early14th century CE
Place of composition: France
Online availability: images
Text
[folio 425v]
ויען יהוה אֶתֿ אִיוֹב מִן הַסְעַרַה וַיֹאמַר׃ מִי זֶה מַחְשִׁיךְֿ
[folio 426r]
עֵצַה בְמִלִּין בְלִי דַּעַתֿ׃ אְזֹר נַא כְגֵֿבֵֿר חְלַצֵיךַֿ וְאֵשְׁאַלְךַֿ וְהוֹדִֿיעֵנִי׃ אֵיפֹֿה הַיִיתַֿ בְיֹסְדִֿי אַרֶץ הַגֵדֿ
אִם יַדַֿעתַ כִי נַה׃ מִי שַׂם מְמַדֵּיהַ כִי תֵדַֿע אוֹ מִי נַטַה עַלֵיהַ קַו׃ עַל מַה אְדַֿנֵיה הָטְבַעוּ אוֹ מִי
יַרַה אֶבֶן פִנַתַה׃ בְרֹן יַחַד כוכְבֵֿי בֹקֵר וַיַרִיעוּ כֹל בְנֵי אְלֹהִים׃ וַיַסֵךְֿ בִדְֿלַתַֿיִם יַם בְגִיחו מֵרֶחֶם יֵצֵא׃
[folio 426v]
בְשׂוּמִי עַנַן לְבֿוּשׁוֹ וַעְרַפֿל חְתֿוּלַתֿוֹ׃ ו֚אֵשְׁבֹר עַלַיו חֻקִי וַאַשִׂים בְרִיַח וּדְֿלַתַֿיִם׃ וַאֹמַר
עַד פֹה תַבֹא וְלֹא תוֹסִיף ופֹֿא יַשִׁיתֿ בִגאוֹן גַלֵיךַֿ׃ הְמִיַמֵיךַֿ צִוִיתֿ בֹקֵר יִדַֿעְתַ שַׁחַר מְקומו׃
לֵאְחוֹז בְכַֿנְפותֿ הַאַרֶץ וְיִנַעְרוּ רְשַׁעִים מִמֶנַה׃ תִתְחַפֵך כַחֹמֵר חוֹתַם וְיִתְיַצְבוּ כְמו לְבושׁ׃
[folio 427r]
וְיִמַנַע מֵרְשַׁעִים אוֹרַם וּזְרוַֹע רַמַה תִשַׁבֵֿר׃ הְבֿאתַ עַגֿ נִכְֿבֵֿי יַם וּבְֿחֵקִר תְהוֹם הִתְהַלַכְתַה׃
הְנגְלוּ שַׁעְרֵי מַוֵת וְשַׁעְרֵי צַלְמַוֵת תִרְאֶה׃ הִתְבוֹנַנְתַ עַדֿ רַחְבַֿי אַרֶץ הַגֵּד אִם יַדַֿעְתַ
כֻלַּה׃ אֵיזֶה הַדֵרֵךֿ יִשְכן אוֹר וְחשֵׁך אֵיזֶה מְקוֹמוֹ׃ כִי תִקחֶנוּ אֶל גְבוּלוֹ וְכִי תַֿבִין מְתִבֿות
[folio 427v]
בֵיתֿוֹ׃ יַדַֿעְתַ כִי אַז תִוַלֵדֿ ומִסְפַר יַמֵיךֿ רַבִים׃
א הְֿבַֿאתַֿ אֶל אוֹצְרֹתֿ שַׁלֵגֿ וְאוֹצְרוֹתֿ בַרַדֿ תִראֵה׃
אְשֵׁר חַשַׁכְֿתִי לְעֵד צַר לְיום קְרַב וּמִלְחַמַה׃ אֵיזֵה הֲדֵרך יֵהַלק אוֹר יַפִיץ קַדִֿים עְלֵי אַרֵץ׃ מִי
פִלַּג לַשֵטֵף תְעַלַהּ וְדֶרֵך לַחְזִיז קוֹלוֹת׃ לחַמְטִיר עַל אֶרֶץ לֹא אִישׁ מִדְבַר לֹא אַדַם בוֹ׃
[folio 428r]
לְהַשְׂבִיעַ שׁוֹאַה וּמְשׁוֹאַה וּלְהַצְמִיחַ מוֹצַא׃ הְיֵשׁ לַמַטַר אַבֿ אוֹ מִי הוֹלִיד אֵגְֿלֵי
טַל׃ מִבֵטֵן מִי יַצַא הַקַרַח וּכְֿפֿוֹר שַׁמַיִם מִי יְלַדֿו׃ כַאֶבֵֿן מַיִם יִתְֿחַבַאוּ וּפְֿנֵי תְהוֹם יִתְֿלַכַדוּ׃
הַתְֿקַשֵׁר מַעְדַֿנוֹתֿ כִימַה אוֹ מֹשְׁכוֹת כְסִיל תְפַֿתֵחַ׃ הְתוֹצִיא מַזַרוֹתֿ כְעִתוֹ וְעַיִּשׁ עַל
[folio 428v]
בַנֵיהַ תַנְחֵם׃ הְיַדַֿעת חֻקוֹתֿ שַׁמַיִם אִם תַשִׂים מִשְׁטַרוֹ בַאַרֶץ׃ הְתַֿרִים לַעַבֿ קוֹלֵךַֿ וְשִׁפְעַתֿ
מַיִם תְכַסֵךַ׃ הַתְֿשַׁלַח בְרַקִים וְיֵלֵכֿוּ וְיֹאמְרוּ לְךַ הִנֵנוּ׃ מִי שַׁת בַטֻחות חֹכְמַה אוֹ מִי נַתַֿן לַשֵׂכְֿוִי
בִנֲה׃ מִי יְסַפֵר שְׁחַקִים בְחָכְמַה וְנִבְֿלֵי שַׁמַיִּם מִי יַשִׁכִיבֿ׃ בְצֶקֵתֿ עַפַר לַמוּצַק וּרְגַבִים
[folio 429r]
יְדְֿבַּקוּ׃ הְתַֿצוּדֿ לְלַבִֿיא טַרַף וְחַיַתֿ כְפִֿירִים תְמַלֵא׃ כִי יַשֹׁחוּ בַמְעוֹנוֹתֿ יֵשְׁבֿוּ בְסֻכַה לְמוֹ אַרֵבֿ׃
מִי יַכין לַעוֹרֵבֿ צֵידוֹ כִי יְלַדַֿיו אֶל אֵל יְשַׁוֵעוּ יִתְעוּ לִבְֿלִי אֹכֵל׃
